室友對話

室：我最近又跟他見面 ，了解了很多，其實他也有苦衷
我: 咁點
室：佢真係好愛我， 佢瘦咗，因為掛我掛到食唔落飯
我：咁佢想點
室：佢話覺得如果同佢老婆分開，會好內疚因為佢地識咗好耐，佢老婆好就佢，乜都係為晒佢，個時其實佢都唔想結婚，但覺得咧個係責任，而家, 佢地無晒感情，七年啦，佢老婆好似一隻係佢身邊嘅小狗 , 佢又唔捨得殺死佢, 但佢又死跟住你
（本人開始火都嚟，叫自己老婆/人地老婆做小狗)

之後我地嘅討論長達半小時

我對咧件事嘅睇法如下:
1. 咧位男仕係極度唔可取，為人不負責任，重要將壞事合理化，將自己變成有苦衷加身不由己嘅受害者
2 我真係覺得你唔該唔好扮無奈，唔係你一日瞓醒特然發現除咗你老婆之外，你多咗個女朋友，一切都係你自己嘅選擇
3 唔該你尊重下你愛嘅人，叫自己老婆做小狗，真係不知所謂，無論那一刻結婚的決定是對或錯，你也有一定的責任
４一齊咗七年就等於可以名正言順咁有外遇嗎 ？結婚係一生一世，７年唔係一個籍口，雖然，現代的婚姻好多都係離婚收場，但！那並唔係一個你同我我室友一直用來令你們好過一點嘅籍口
5 室友小姐有點討厭小狗老婆，覺得佢咗住地球轉，兼不明事理 。我想她先係最無辜。其實你地兩個係開始之前一早就知都佢嘅存在，但佢,並唔知你嘅存在
6 室友小姐話要等呢位男仕做一個決定 。我唔明。自己嘅路點解要等別人去決定 ？離別並唔係一個協議,並不須要相方同意。要離開的話，客氣一點，單方面發出一個通知，亦無必要等回覆. 如果係我, 一走了之 !